జిల్లా టాస్క్ ఫోర్స్ సమావేశం నిర్వహణ
తెలుగు వెలుగు టీవీ - వార్తలు / కొత్తగూడెం : రాబోయే పల్స్ పోలియో కార్యక్రమం, స్టాప్ డయేరియా క్యాంపెయిన్ మరియు జాతీయ పురుగుల నివారణ దినోత్సవం (NDD) కార్యక్రమం అమలుపై సమీక్షించేందుకు భద్రాద్రి కొత్తగూడెం జిల్లా కలెక్టర్ అధ్యక్షతన సోమవారం జిల్లా టాస్క్ ఫోర్స్ సమావేశం నిర్వహించబడింది. ఈ సమావేశంలో జిల్లా వైద్య మరియు ఆరోగ్య శాఖ అధికారి డా. తుకారాం రాథోడ్తో పాటు సంబంధిత శాఖల అధికారులు మరియు టాస్క్ ఫోర్స్ సభ్యులు పాల్గొన్నారు. సమావేశంలో జూన్ 28న నిర్వహించనున్న పల్స్ పోలియో బూత్ డే కార్యక్రమం, అనంతరం జూన్ 29 మరియు 30 తేదీలలో ఇంటింటి సర్వే కార్యక్రమం, జూన్ 1 నుండి జూలై 31 వరకు నిర్వహిస్తున్న స్టాప్ డయేరియా క్యాంపెయిన్, అలాగే జూలై 13న నిర్వహించనున్న జాతీయ పురుగుల నివారణ దినోత్సవం (NDD) కార్యక్రమాలపై విస్తృతంగా సమీక్ష నిర్వహించారు. ఈ కార్యక్రమాలను జిల్లాలో విజయవంతంగా అమలు చేయడానికి అవసరమైన కార్యాచరణ ప్రణాళిక, శాఖల మధ్య సమన్వయం, ప్రజల్లో అవగాహన కల్పించడం, లక్ష్యిత లబ్ధిదారులకు సేవలు అందించడం వంటి అంశాలపై చర్చించారు. అన్ని శాఖలు సమన్వయంతో పనిచేసి కార్యక్రమాలను సమర్థవంతంగా నిర్వహించాలని జిల్లా కలెక్టర్ ఆదేశించారు. గ్రామ స్థాయి నుండి జిల్లా స్థాయి వరకు పటిష్ట పర్యవేక్షణ చేపట్టి నిర్దేశించిన లక్ష్యాలను పూర్తి చేయాలని సూచించారు. ఈ సమావేశంలో సంబంధిత శాఖల అధికారులు, వైద్య మరియు ఆరోగ్య శాఖ సిబ్బంది పాల్గొన్నారు.డా.ప్రతాప్ జిల్లా చైల్డ్ హెల్త్ అండ్ ఇమ్యూనిజేషన్ అధికారి
Admin
తెలుగు వెలుగు టీవీ
మరిన్ని వార్తలు
Developed By :
