ప్రజా సమస్యల పరిష్కార మార్గాన్ని చూపే విధంగా గ్రామ సభలు ఉండాలి. 16వ డివిజన్ కార్పొరేటర్ మునగడప పద్మ.
తెలుగు వెలుగు టీవీ - వార్తలు / కొత్తగూడెం : ప్రజా సమస్యల పరిష్కార మార్గాన్ని చూపే విధంగా గ్రామ సభలు ఉండాలి.సమస్యల పరిష్కారం చూపని గ్రామసభలు ఎందుకు.16వ డివిజన్ కార్పొరేటర్ మునగడప పద్మ. ప్రజా సమస్యల పరిష్కార మార్గంగా గ్రామసభలు ఉండాలని, పరిష్కార మార్గం చూపని గ్రామసభలు ఎందుకని 16 వ డివిజన్ కార్పొరేటర్ మునిగడప పద్మ అధికారులను ప్రశ్నించారు. 99 రోజుల ప్రజా పాలన -ప్రగతి ప్రణాళిక లో భాగంగా ఆమె మాట్లాడుతూ గత గ్రామ సభలో తీసుకున్న సమస్యల కు సంబంధించి ఎంతవరకు పరిష్కారం చూపారో ప్రజలకు తెలపాలని ఆమె అధికారులకు ప్రశ్నించారు. గత ప్రజాపాలన గ్రామసభలో సామాజిక పింఛన్లు సంబంధించిన అప్లికేషన్లు స్వీకరించారని, తెలంగాణ రాష్ట్ర ఆవిర్భావ దినోత్సవం రోజున రెండవ తారీఖున సామాజిక కొత్త పెన్షన్ల పంపిణీ జరుగుతుందని ప్రజలు ఎదురు చూశారని, ఎందుకు పెన్షన్ల పంపిణీ చేయలే దో ప్రజలకు వివరించాలని ఆమె అధికారులను కోరారు. అలాగే ఇందిరమ్మ గృహ పథకం రామవారానికి వర్తింప చేయటంలో అధికారులు విఫలమవుతున్నారని ఆమె విమర్శించారు. రామవరం ప్రాంత ప్రజలకు సొంత స్థలం ఉంది అర్హత కలిగిన వారందరికీ ఇందిరమ్మ గృహాలు మంజూరు చేయాలని ఈ సందర్భంగా అధికారులకు విజ్ఞప్తి చేశారు. డివిజన్ వ్యాప్తంగా సీజనల్ వ్యాధులు ప్రజలు తగు జాగ్రత్తలు తీసుకోవాలని అధికారులు కూడా శానిటేషన్ పట్ల శ్రద్ధ తీసుకొని సీజనల్ వ్యాధులు ప్రబలకుండా చూడాల్సిన అవసరం ఉందని అన్నారు. అలాగే తడి చెత్త ,పొడి చెత్త ఇతర రకాల పదార్థాలను వేరు చేయడంలో 16 వ డివిజన్ ప్రజలు చైతన్యవంతమై ఉన్నారని ఈ సందర్భంగా అధికారులకు తెలిపారు. అదేవిధంగా రామవరం లో ఇంకుడు గుంటలు కూడా ప్రజలు సహకరించవలసినటువంటి అవసరం ఉందని ప్రజలకు తెలిపారు. అకాల వర్షం కారణంగా గ్రామ సభకు అవాంతరం కలిగినప్పటికీ వర్షంలో కూడా గ్రామ సభకు సహకరించిన ప్రజలకు ఆమె ధన్యవాదాలు తెలిపారు. ఈ కార్యక్రమంలో టూ టౌన్ ఎస్ఐ రాజు మారకద్రవ్యాలు, అసాంఘిక కార్యక్రమాల పట్ల అప్రమత్తంగా ఉండాలని ఆయన తెలిపారు. అనంతరం వార్డ్ స్పెషల్ ఆఫీసర్ రవీందర్ మాట్లాడుతూ ప్రభుత్వం నుండి రావలసిన పెన్షన్లు, ఇందిరమ్మ ఇల్లులు తదితర పథకాలను ప్రజలకు చేరవేటంలో ప్రభుత్వ ఉత్తర్వుల అనుసరించి అర్హులైన పేద వారందరికీ సహాయం చేస్తామని తెలిపారు. ఈ కార్యక్రమంలో వార్డ్ ఆఫీసర్ శివరాం, రామయ్య ,జవాన్ లక్ష్మణ్ ,ఆర్పీలు జానకి, కవిత ,ఏఎన్ఎం కవిత, తార ,శానిటేషన్ వర్కర్స్ శాంత, సందీప్ ,వార్డు ప్రజలు తదితరులు పాల్గొన్నారు.
Admin
తెలుగు వెలుగు టీవీ
మరిన్ని వార్తలు
Developed By :
