మహాసభలను జయప్రదం చేయండి -టీజీవో అధ్యక్షులు వెంకట పుల్లయ్య
తెలుగు వెలుగు టీవీ - వార్తలు / కొత్తగూడెం : ప్రకృతి ఆశ్రమం ఆధ్వర్యంలో ఈనెల 23న కొత్తగూడెం క్లబ్ లో జరుగనున్న ప్రకృతి - ఆరోగ్య మహాసభలను విజయవంతం చేయాలని, మోటార్ వెహికల్ ఇన్స్పెక్టర్, తెలంగాణ గెజిటెడ్ ఆఫీసర్స్ అసోసియేషన్ భద్రాద్రి కొత్తగూడెం జిల్లా అధ్యక్షులు, సంగం వెంకట పుల్లయ్య విజ్ఞప్తి చేశారు. శుక్రవారం బస్టాండ్ సమీపంలో గల ప్రకృతి ఆశ్రమం లో ఏర్పాటు చేసిన విలేకరుల సమావేశంలో ఆశ్రమం ముఖ్య సలహాదారు వెంకట పుల్లయ్య పాల్గొని మాట్లాడారు. శారీరక, మానసిక ఆరోగ్యాలతో పాటు, పర్యావరణ ప్రకృతి పరిరక్షణలపై వక్తలు పాల్గొని ప్రసంగిస్తారన్నారు. ముఖ్య అతిథులుగా జిల్లా కలెక్టర్ జితేష్ వి పాటిల్ IAS, జిల్లా ఎస్పీ బి రోహిత్ రాజు ఐపీఎస్, శ్రీమతి జి.కవిత నాయుడు సింగరేణి జనరల్ మేనేజర్ (పర్సనల్), ఎల్ భాస్కర్ నాయక్ జిల్లా వైద్య ఆరోగ్యశాఖ అధికారి, అబ్దుల్ రహమాన్ కొత్తగూడెం డిఎస్పి, మున్సిపల్ కమిషనర్ సుజాత లు పాల్గొని తమ సందేశాలు ఇస్తారని వెల్లడించారు. ఆరోగ్య పరిరక్షణ, మానసిక ఒత్తిడిని జయించడం ఎలా, జల సంరక్షణ, ప్రకృతి వ్యవసాయ పద్ధతులు, ఆరోగ్యకరమైన సమాజ నిర్మాణం, ఆనందమయ జీవితం మొదలైన అంశాల పైన, ముఖ్య వక్తలుగా ప్రముఖ ప్రకృతి కవి, కాళోజీ అవార్డు గ్రహీత, కొత్తగూడెం ఆశ్రమం వ్యవస్థాపక అధ్యక్షులు జయరాజు, ప్రముఖ వ్యక్తిత్వ వికాస నిపుణులు, సైకాలజిస్ట్, రెండు తెలుగు రాష్ట్రాల 'స్టెప్' సమన్వయకర్త, డా. ప్రత్యూష సుబ్బారావు., ప్రముఖ సీనియర్ సర్జన్, జాతీయ బాలోత్సవ్ కన్వీనర్ డా.వి. రమేష్ బాబు, సీనియర్ ఆకుపంచర్ తెరపిస్ట్ డా. అనిల్ కుమార్ తెంబరేని., జాతీయ జల సాధన సమితి అధ్యక్షులు, ఫ్లోరోసి స్ నివారణ ఉద్యమ నేత, సహజ అడవి సృష్టికర్త దుశర్ల సత్యనారాయణ, ప్రముఖ ప్రకృతి వ్యవసాయకులు, వరల్డ్ మిలీనీర్ రైతు అవార్డు గ్రహీత లోకసాని పద్మా రెడ్డి, సింగరేణి రిటైర్డ్ జిఎం శనగ వెంకటేశ్వరరావు, లు పాల్గొని ప్రసంగిస్తారన్నారు. అన్ని రకాల ఆరోగ్యాల పైన, సమగ్ర మైనటువంటి అవగాహన పెంచుకునేందుకు, ప్రధానంగా మానసిక ఒత్తిడీలను జయించేందుకు, నాలెడ్జ్ సమూపార్జనకు ఈ సభలలో పాల్గొనాలని వెంకట పుల్లయ్య విజ్ఞప్తి చేశారు. కొత్తగూడెం క్లబ్లో ఆదివారం ఉదయం 9 గంటల నుండి మధ్యాహ్నం మూడు గంటల వరకు జరుగుతాయన్నారు. భోజన వసతులు కూడా ఏర్పాటు చేసినట్లు వెల్లడించారు. మహాసభ పర్యంతం ఆరోగ్య కార్యకర్తల, గాయకుల, గేయాలు పాటలు ఉంటాయని తెలిపారు. ఈ సమావేశంలో ఆశ్రమ సలహాదారు జినుగు బాలశౌరి, కోఆర్డినేటర్ జి. సుగుణ రావు, కొత్తగూడెం మున్సిపల్ గ్రీన్ అంబాసిడర్ మొక్కల వెంకటయ్య, తుంపురు శివ,సబ్బన రాజేష్, కొత్తపల్లి రమేష్ బాబు, శంకర్ బంగారి, దయానంద సాగర్, కృష్ణకుమారి లు పాల్గొన్నారు.
Admin
తెలుగు వెలుగు టీవీ
మరిన్ని వార్తలు
Developed By :
